शैक्षणिक क्रांती म्हणजेच जयक्रांती हे संस्थेचे घोषवाक्य प्रत्यक्ष आस्त्विात आणण्यासाठी जयक्रांती परिवाराने प्रयत्नांची पराकाष्टा केली. जयक्रांतीची यशोगाथा मागे वळून पाहताना १९९७ साली मेरिटचे दार उघडले. अलिकडच्या काळात शासनाने गुणवत्ता यादी जाहिर न करण्याचा निर्णय घेतला असला तरी जेमतेम टक्केवारी घेवून आलेल्या विद्यार्थ्यांना प्रवेश देवून विशेष प्राविण्यासह उत्तीर्ण होण्याच्या वाटेपर्यंत नेऊन पोहचवू शकलो. त्यापुढे विद्यार्थ्यांच्या चेहऱ्यावरील आनंद पाहून मनोमन समाधान वाटते.

लातूर हे संपूर्ण महाराष्ट्रात शिक्षणाची पंढरी म्हणून नावारुपास येत आहे. जयक्रांती ने प्रतिकूल परिस्थितीवर मात करुन लातूरच्या शैक्षणिक समृध्दीसाठी खारीचा वाटा उचलला आहे. शिक्षण प्रक्रियेत विद्यार्थी हाच केंद्र बिंदू मानून त्याच्या हिताला सर्वोच्य प्राध्यान्य दिले जाते. म्हणूनच विद्यार्थी पालकासह समाजाचा विश्वास संपादन करू शकले. जयक्रांतीच्या विद्यार्थ्यांनी २०२१-२२ च्या निकालातही आपल्या गुणवतेचा ठसा उमटविला आहे. NEET, JEE-Mains, MHT-CET, याचबरोबर H.S.C. बोर्ड परिक्षेतही विद्यार्थ्यांनी उज्वल यश संपादन केले आहे. त्याच बरोबर कला, वाणिज्य, विज्ञान व किमान कैशल्य या सर्व शाखामध्ये गतवर्षी तुलनेत निकालाचा टक्का वाढलेला आहे.